Johannes Sólsker setti Sp/f Johs.Elektro á stovn í 2009. Hann hevur arbeitt í elektromekanisku vinnuni síðan 1972. Eftir læru og arbeiði hjá Kaj Gaard og Eyðun Jespersen fór hann til El-talvuvirkið, har hann hevði ábyrgd av elektromekaniska arbeiðinum. 

Í 2017 seldi Johannes felagið til KSS við endamálinum at styrkja elektromekaniska partin í Føroyum, tí generatorar og el-motorar vóru ofta send av landinum til umvælingar.

Í dag starvast fimm fólk á verkstaðnum, harav tríggir lærlingar.

Virkið leggur dent á dygd, ráðgeving og at nøkta tørvin hjá kundanum.

Johs.Elektro hevur dagført verkstað, og bjóðar eisini el-motorar, gir, trumlumotorar, pumpur og eykalutir.